طلبتك يا زمن وقف لحظات

سلام سليم يسلم على جميع حبايب هذا المنتداء
سلام سليم يسلم ويطلب من اعضاء المنتداء انهم يوقفه لحضات صمت

ارجو ان ينال اعجابكم هذي الكلامات القصيرة و المعبرة

طلبتك يا زمن وقف قبل ما تنهي أيامي
بعيش اللي بقى من عمري ترى باقي أمل فيني

عدمت الفرحة في عيني و بعد ناوي على إعدامي
حرام تسوي كل هذا ترى اللي فيني يكفيني


أشوف و ما أشوف إلا عذاب بداخلي حامي
يجي أحيان يخليني بغيبوبة و ينهيني

أبي مره و لو مره أشوف الفرحة قدامي
و لكن وينها الفرحة أموت و ما تعزيني


قضى عمري و انا أعطي غيري بالفرحة و انا ضامي
أفرحهم و أجاملهم و انا بحر الحزن فيني


كبيرة حيل طعناتي و كبيرة ارماحي و اسهامي
أطيح و رافع ٍ إيدي أبي أحد ٍ يقويني


أبي أي شخص يفهمني و يواسي جرحي الدامي
أجي كل يوم متضايق و أبي من يواسيني

ملامح وجهي عطاها الشقى و الهم و اوهامي
كأن الوقت في عمري خلق ضيقة تخاويني


أجيبك يا زمن أركض أسابق خطوة أقدامي
و مصيبة يوم انا جيتك من الأحزان تسقيني

وصلتك يا زمن ميت أبي تجمع لي احطامي
وصل لرحمتك و أنت و ضميرك لا تخليني

و ربي قمت احس إن الألم يفرح بآلامي
و حتى أصابعي بيدي تساوت عندي بعيني


مع خالص حبي وتقديري لكم
( عميد كلية الحب )
عبدالله باحمدون